May 26, 2022

ତାଲିବାନକୁ ସମର୍ଥନ ଦେଲେ ପଳାତକ ରାଷ୍ଟ୍ରପତି ଅସରଫ ଘନିଙ୍କ ଭାଇ

1 min read

କାବୁଲ: ଆଫଗାନିସ୍ତାନ ଛାଡ଼ି ୟୁଏଇ ପଳାଇଥିବା ରାଷ୍ଟ୍ରପତି ଅସରଫ ଘନିଙ୍କ ଭାଇ ଏବେ ତାଲିବାନଙ୍କୁ ସମର୍ଥନ କରିବେ ବୋଲି ଘୋଷଣା କରିଛନ୍ତି। ଯାହାକି ଅସରଫଙ୍କ ପାଇଁ ବଡ଼ ଝଟକା ସାବ୍ୟସ୍ତ ହୋଇଛି। ତାଲିବାନର ହିଂସା ଏବଂ ଅତ୍ୟାଚାର ଭୟରେ ଦେଶ ଛାଡ଼ି ପଳାଇଥିବା ଅସରଫ ଘନି ତାଲିବାନଙ୍କ ପ୍ରମୁଖ ବିରୋଧୀ ହୋଇଥିବା ବେଳେ ତାଙ୍କ ଭାଇ ତାଲିବାନଙ୍କୁ ସମର୍ଥନ କରିବା କଟା ଘା’ରେ ଚୁନ ମାରିବା ସଦୃଶ ହୋଇଛି।

ଅସରଫ ଘନିଙ୍କ ଭାଇ ହାଶମତ ଘନି ଅହମ୍ମଦଜାଇ ବର୍ତ୍ତମାନ ତାଲିବାନକୁ ସମର୍ଥନ କରିଛନ୍ତି। ଅସରଫ ଘନିଙ୍କ ଭାଇ ହାଶମତ ଘନି ତାଲିବାନ ସହ ମିଶି ଆତଙ୍କବାଦୀ ସଂଗଠନକୁ ସମସ୍ତ ସାହାଯ୍ୟ ଯୋଗାଇ ଦେବାକୁ ପ୍ରତିଶ୍ରୁତି ଦେଇଛନ୍ତି। କୁଚିସର ଗ୍ରାଣ୍ଡ କାଉନସିଲର ମୁଖ୍ୟ ହାଶମତ ଘନି ଅହମ୍ମଦଜାଇ ତାଲିବାନ ନେତା ଖଲିଲ-ଉର-ରହମାନ ଏବଂ ଇସଲାମର ଧର୍ମଗୁରୁ ମୁଫତି ମହମୁଦ ଜାକିରଙ୍କ ଉପସ୍ଥିତିରେ ସେ ତାଲିବାନକୁ ସମର୍ଥନ କରିଛନ୍ତି। ରବିବାର ସୁଦ୍ଧା ତାଲିବାନ ଆଫଗାନିସ୍ତାନରେ ସରକାର ଗଢ଼ିବେ ବୋଲି ଘୋଷଣା କରିଛି। ଏହାରି ଭିତରେ ହାଶମତ ତାଲିବାନକୁ ସମର୍ଥନ କରିବା ଅସରଫଙ୍କ ପାଇଁ ବଡ଼ ଝଟକା ସାବ୍ୟସ୍ତ ହୋଇଥିବା ବେଳେ ତାଲିବାନଙ୍କ ପାଇଁ ଭଲ ଖବର ସାବ୍ୟସ୍ତ ହୋଇଛି।

Leave a Reply

Your email address will not be published.

Copyright © All rights reserved. | Newsphere by AF themes.